Press Kit 產品資料

ThatReceipt 嘅產品問答、品牌素材同公開圖片直連。傳媒、投稿表格、合作夥伴都可以直接取用；所有圖片都係免登入直連，可以直接嵌入。

PRODUCT_NAME

ThatReceipt

TAGLINE

影一張收據，自動填好日期商戶金額，匯出 Excel 即刻交數

WEBSITE

https://thatreceipt.com

PRODUCT_NAME: ThatReceipt
TAGLINE: 影一張收據，自動填好日期商戶金額，匯出 Excel 即刻交數
WEBSITE: https://thatreceipt.com

──────────────────────────────
【基本資料】

Q4. 推出年份 [H]
2026（首個版本 2026-08-16 上線）

Q5. 分類 [H]
SaaS

Q6. 收費模式 [H]
Freemium

Q7. 收費詳情 [H]
・新用戶送 HK$500 掃描額度，30 日內有效
・單次儲值：儲 HK$20–49 → HK$0.5/張；HK$50–149 → HK$0.3/張；HK$150 以上 → HK$0.2/張。儲值額度永久有效，最低儲值約 US$10 等值
・月費 HK$20 = 每月 200 張
・年費 HK$150 = 每年 1,000 張
・訂閱用戶用任何額度一律 HK$0.15/張
・12 種貨幣可直接以當地貨幣收款，其餘以 USD 結算；賬本一律以 HKD 記賬

Q8. 支援平台 [H]
Web、Android、iOS
・Web：任何瀏覽器，PWA 可「加到主畫面」當 app 用
・Android：官網直接下載 .apk（TWA 包裝）—— https://thatreceipt.com/thatreceipt.apk
・iOS：Safari「加到主畫面」
※ 刻意唔上 App Store / Play Store，原因見下面

Q9. 目標用戶 [H]
general users、business users
核心係「要自己 claim 錢嘅打工仔」——外勤銷售、經常見客出差嗰班人；其次係冇會計幫手嘅自由工作者同小店東主。

Q10. 標籤（5 個）
收據掃描、報銷、expense-claim、OCR、PWA

──────────────────────────────
【產品細節】

Q11. 產品描述 [H]
ThatReceipt 係一個收據掃描記帳服務，專門服務「自己 claim 錢」嘅打工仔。市面上同類工具（Expensify、Xero、Wave）幾乎全部賣畀公司、會計部或者自由工作者做生意記帳，冇人專門做「一個員工自己執單交數」呢件事——呢個就係我哋切入嘅位。

用法好簡單：結完帳即刻用手機影張收據，系統自動讀出日期、時間、商戶名、類別、幣別同金額，你確認一下就入咗帳。月尾一撳匯出 Excel、CSV 或者 PDF，連同相片 zip 一齊交畀公司或者會計。唔想影相都得——每個帳戶有一條專屬電郵轉發地址，Uber、Klook、網購、訂閱服務嗰啲電子收據直接轉寄過去就自動入帳。網站亦可以直接上載 PDF 收據。

三個設計上嘅堅持：

一、相片只存喺用戶自己嘅 Google Drive。我哋用 drive.file 權限，只可以讀寫自己建立嘅檔，伺服器唔會保留。用戶隨時可以攞走或者刪除，唔使驚服務執笠就冇晒單據。（唯一例外：經電郵轉發嘅附件會喺私有空間暫存最多 7 日，等用戶下次開 app 搬入佢自己 Drive，搬完即刪。）

二、月尾自動對數。上載信用卡或者銀行月結單（PDF、相、CSV 都得），系統會抽出每一筆交易，同已入帳嘅收據按金額加日期自動配對，然後列出三份清單：已對上、月結單有但冇收據、有收據但月結單搵唔到。日期容許 ±5 日（消費日 vs 入帳日）、外幣容 5% 匯率差、還款同退款自動略過。對唔到嘅可以一撳補入記錄。月結單本身唔會寫入資料庫，處理完即棄。

三、11 種語言、166 種顯示貨幣。介面有繁中、簡中、英、西、德、日、韓、法、葡、阿拉伯（RTL）、泰；外幣收據會自動按參考匯率換算成用戶嘅主要貨幣，但賬本永遠以 HKD 為單一真相，避免匯率飄移搞亂數。

Q12. 主要競品 / 替代品 [H]
Expensify、Wave、Xero（另有 SparkReceipt 呢類純收據工具）。我哋喺官網有做逐項對比；價格參考為 2026 年 8 月各家官網公開價。

Q13. 同競品最大分別 [H]
第一，定位唔同：競品全部賣「公司報銷流程」或者「小生意記帳」，要老細或者會計部批准先用得。ThatReceipt 係一個員工自己一個人就用得，唔使公司採購、唔使開團隊帳戶。

第二，價錢差一個數量級：競品普遍月費 US$5–19（約 HK$39–150）不論用幾多。ThatReceipt 最平做到每張 HK$0.2，一個月影 20 張就 HK$4，唔使就唔使畀錢。做得到係因為我哋唔上 App Store 同 Play Store——冇 30% 平台抽成、唔使同時養 iOS 同 Android 兩套原生 app，慳到嘅錢直接還原落價錢。

第三，相片主權喺用戶手上：相片入用戶自己個 Google Drive，我哋用 drive.file 權限，技術上睇唔到佢 Drive 入面其他嘢。競品全部係存喺佢哋自己伺服器。

Q14. 上手步驟 [H]
1. 去 thatreceipt.com 用 Google 帳戶登入（約 5 秒，登入即送 HK$500 額度、30 日有效）
2. 授權 Google Drive（一次過），系統會喺你 Drive 開一個 ThatReceipt 資料夾放原相
3. 撳「影相」影收據，或者揀相簿／上載 PDF；幾秒後日期、商戶、金額自動填好，確認就入帳
4. 進階：把電子收據電郵轉寄去你嘅專屬地址，連影都唔使影
5. 月尾：喺「收據紀錄」一撳匯出 Excel／CSV／PDF；再上載信用卡月結單做自動對數，確認冇漏單

Q15. 用戶數據 / 成績
N/A

──────────────────────────────
【補充資料】

16a. 傳媒報導 / 外部提及
N/A

16b. 用戶評語 [M]
・「以前月尾成疊車飛餐飲單逐張打入 Excel，而家影完即刻入帳，月尾一個 zip 交晒俾公司。」—— Alan Lee，外勤營業
・「冇公司幫手請會計，收據影完自動變 Excel，報稅前唔使再通宵執單。」—— Ada Nethan，自由工作者
・「同事自己影自己入，我淨係核對同匯出，唔使再幫成 team 執單入數。」—— Bill Johnson，行政・助理

16c. 未來 3–6 個月路線圖
N/A

16e. 整合 [H]
Works with Google Drive、Google 帳戶登入、任何電郵服務（轉寄即入帳）、Stripe 付款、Excel / CSV / PDF 匯出、信用卡及銀行月結單（PDF / 相 / CSV）自動對數

16f. 獎項 / 加速器 / 融資
N/A（自資，冇融資、冇加速器、冇獎項）

16g. 開源 repo
N/A（私有 repo）

──────────────────────────────
【連結與圖片】

Q17. iOS App Store
N/A（用 Safari「加到主畫面」，刻意唔上架）

Q18. Google Play
N/A（官網直接下載 https://thatreceipt.com/thatreceipt.apk）

Q19. Mac App Store
N/A

Q20. Microsoft Store
N/A

Q21. Chrome Web Store
N/A

Q22. App icon / logo
https://thatreceipt.com/icons/icon-512.v4.png （512×512 PNG，公開直連）

Q23. 截圖（全部 1400px 闊，公開直連，冇加手機外框、冇浮水印）
https://thatreceipt.com/img/press/scan-v1.jpg — 掃描頁：影相或上載 PDF 入口，下面係專屬電郵轉發地址（畫面上嘅地址已換成示範值）
https://thatreceipt.com/img/press/records-v1.jpg — 收據紀錄：總支出、分類統計、逐筆記錄，一撳匯出 Excel／CSV／PDF／相片 zip（備註欄為示範資料）
https://thatreceipt.com/img/press/reconcile-v1.jpg — 銀行月結單自動對數報告：已對上／月結單有但冇收據／有收據但月結單搵唔到，三份清單一次過列晒
https://thatreceipt.com/icons/og.v2.png — 產品主視覺（1200×630）：影收據 → 抽出欄位 → 試算表自動多一行

Q24. 開發者 / 團隊相
N/A

Q25. 影片 / Demo
N/A（暫時未拍）

──────────────────────────────
【開發者故事】

Q26. 想同讀者講嘅話
呢個產品由一個好悶嘅個人問題開始：每個月尾都要坐低，由銀包、褲袋、車尾箱搵返一疊皺晒嘅收據，逐張打入 Excel，然後對信用卡月結單，成日對到差幾十蚊都唔知邊度漏咗。熱敏紙收據放兩個星期就開始褪色，一個月後隨時連銀碼都睇唔清。

睇過市面上啲工具，發現一個好奇怪嘅空缺：全部都係賣畀公司或者會計嘅。你想以一個打工仔身分，自己搞掂自己嗰份報銷，唔使等公司採購批准，其實冇乜選擇——就算有，月費都要成一百幾十蚊，但我一個月可能得二十張單。

所以就做咗呢個。設計上有兩條底線由第一日就定咗：相片唔存喺我哋伺服器（放用戶自己 Google Drive），同埋唔上 App Store 同 Play Store（慳返 30% 抽成，直接反映落價錢）。第二條決定令到「每張 HK$0.2」呢個價成立——呢個就係全個產品最核心嘅賣點。

（開發者暫時唔具名，如需要真實姓名／相片請聯絡 [email protected]）

──────────────────────────────
【自由發揮】

Q27. 產品有咩有趣 / 吸引嘅地方
一、準確率係實測出嚟，唔係吹
金額辨識準確率 94.7%。呢個數字嘅來源：2026-08-16 用 76 張真實收據（人手逐張確認金額做對照）行生產環境嘅完整流程測出嚟。同一次測試其他欄位：幣別 98.7%、商戶名 84.2%、日期 71.1%。日期偏低係因為部分對照用咗報銷日而唔係收據印刷日，唔係辨識錯。平均每張約 3 秒。呢啲數字綁定特定模型同 prompt，一改就要重跑先可以再引用——我哋唔會憑空調數。

二、「零儲存」係架構層面做到，唔係政策承諾
好多服務講「我哋唔會睇你啲資料」，但檔案始終喺佢哋手上。ThatReceipt 用 Google 嘅 drive.file 權限：我哋只可以讀寫由我哋自己建立嘅檔，用戶 Drive 入面其他嘢我哋技術上根本睇唔到。相片由用戶部機直接上載去佢自己個 Drive，唔經我哋伺服器。就算我哋將來執笠，用戶啲單據一張都唔會少。

三、「冇 app」係策略，唔係做唔到
好多人問點解唔上架。答案好直接：上架即係要俾 30% 平台抽成，同時要養 iOS 同 Android 兩套原生 app。以我哋每張 HK$0.2 嘅定價，呢啲成本會直接令個價升一倍以上。我哋選擇用 PWA（iOS「加到主畫面」）同官網直裝 .apk（Android）——體驗接近原生，慳到嘅錢全部還原落價錢。

四、月結單自動對數
呢個係我哋覺得最實用但最少人做嘅功能。報銷最花時間嗰步從來唔係影收據，係月尾逐條對月結單。上載月結單，系統抽出每筆交易同你啲收據自動配對，直接話你知邊幾筆冇單。配對邏輯要處理好多現實問題：消費日同入帳日相差幾日、外幣交易匯率同手續費、分期付款、退款、還款——呢啲全部有針對性處理。月結單處理完即棄，唔會留喺伺服器。

五、電郵收據連影都唔使影
每個帳戶有條專屬地址。Uber、Klook、網購確認信轉寄過去，幾十秒內自動入帳。有附件嘅（PDF 發票嗰啲）會喺你下次開 app 嗰陣自動搬入你自己個 Drive。純文字嘅通知電郵（例如香港易通行嘅隧道費通知）本身冇附件，系統會喺用戶部機將電郵內容畫成一張收據圖再存入佢自己個 Drive——咁樣交數嗰陣一樣有附件可以交。

六、11 種語言、166 種貨幣，但賬本永遠 HKD
外幣收據會自動按參考匯率換算，介面同匯出跟用戶揀嘅主要貨幣行，但底層記賬單位永遠係 HKD。呢個決定避免咗一個好常見嘅坑：如果每筆用當時匯率各自記，之後改匯率或者換顯示貨幣就會對唔到數。

截圖

其他語言：繁體中文 · 简体中文 · English · Español · Deutsch · 日本語 · 한국어 · Français · Português · العربية · ไทย