關於 ThatReceipt

我哋做一件事：等打工仔自己搞掂 claim 錢。

唔使公司採購審批、唔使裝重型會計系統。影低張收據，日期、商戶、類別、金額自動填好，匯出 Excel／CSV／PDF 交俾公司或者會計，就係咁簡單。

核心係要自己 claim 錢嘅打工仔——外勤銷售、經常見客出差、月尾要交一疊單嗰班人。其次係冇會計幫手嘅自由工作者同小店東主。

市面上同類工具幾乎全部賣畀公司、會計部或者做生意記帳，要老細批准先開得戶口。你想以一個員工身分，自己搞掂自己嗰份報銷，其實冇乜選擇——就算有，月費都要成一百幾十蚊，但你一個月可能得二十張單。呢個就係我哋切入嘅位。

報銷最花時間嗰步從來唔係影收據，係月尾攞住張信用卡月結單逐條對。上載月結單（PDF、相、CSV 都得），系統會抽出每一筆交易，同你已入帳嘅收據按金額加日期自動配對，然後列出三份清單：已對上、月結單有但冇收據、有收據但月結單搵唔到。

配對會處理埋現實世界嘅麻煩事：消費日同入帳日相差幾日、外幣交易嘅匯率同跨境手續費、分期、退款、還款。對唔到嘅可以一撳補入記錄。月結單本身唔會寫入資料庫，處理完即棄。

我哋用 Google 嘅 drive.file 權限：只可以讀寫由呢個應用程式自己建立嘅檔，你 Drive 入面其他嘢我哋技術上根本睇唔到。相片由你部機直接上載去你自己個 Drive，唔經我哋伺服器。

即係話，就算將來呢個服務唔做，你啲單據一張都唔會少——佢哋一直都喺你自己個 Drive 度。

唯一例外係電郵轉發嘅附件：Drive 權限只存在於你嘅瀏覽器，所以附件會喺一個非公開嘅私有空間暫存最多 7 日，等你下次開 app 自動搬入你自己 Drive，搬完即刻刪。詳情見私隱政策。

金額辨識準確率 95.3%。呢個數字唔係吹出嚟：2026-09-11 用 106 張真實收據（人手逐張確認做對照）行足生產環境嘅完整流程測出嚟。同一次測試，幣別 106/106、商戶名 87.6%。平均每張約 3 秒。

所有欄位喺儲存之前都可以改，所以就算讀錯，你當場改一改就得。

介面有繁體中文、簡體中文、英文、西班牙文、德文、日文、韓文、法文、葡萄牙文、阿拉伯文同泰文。外幣收據會自動按參考匯率換算成你揀嘅主要貨幣，但賬本底層永遠以港幣做單一準則——咁樣先唔會因為匯率變動而令舊數對唔返。

因為我哋冇上 App Store 同 Play Store：

取而代之：

之後喺主畫面撳個 icon，全螢幕開啟，同普通 app 一模一樣。

有問題、想合作，或者想要品牌素材，寄去 [email protected]。